Mere sath mein jab tu chalnay lagta hai

Mere sath mein jab tu chalnay lagta hai

Aik rawaiya roop badalnay lagta hai

Meri baat pay hanstay ho tum aas diya

Man mandar mein kuhd he jalnay lagta hai

Khuwabon mein deewar dikhayi daiti hai

Tabeeron ka sooraj dhalnay lagta hai

Roshan aankhein bujhnay lagti hein jis dam

Ho kar bay bas hath wo malnay lagta hai

Hum they azaad par muhabbat nay

Aur kuch din isay tu jhail miyan

Zindagi hai nahi hai khel miyan

Aur daikhein kahan pay ly jaye

Itni paisay ki rail pail miyan

Koi umeed hum se mat rakhna

En talon mein nahi hai tail miyan

Hum they azaad par muhabbat nay

Naak mein daal di hai naakel miyan

Kisi din

Meri aankhon mein bas jao kisi din khuwab ki soorat

Buhat din ho gaye hein jagtay! Mein so nahi paaya

Udasi k bhanwar mein raasta b ho nahi paaya

Sulagti dhoop mein tabeer ka saaya nahi daikha

Buaht din ho gaye hein chandni mein ro nahi paaya

Mere dil mein b utro tum shab e mehtaab ki soorat

Meri aankhon mein bas jao kisi din khuwab ki soorat

Meri es bay yaqeeni ko koi b naam tum day do

Gumaan , andesha ya phir koi b ilzaam tum day do

Ik aisi shaam jis k baad tum meri raho ban kar

Agar kuch day sako to mujh ko aisi shaam tum day do

meri nas nas mein ghul jao kabhi seemaab ki soorat

Meri aankhon mein bas jao kisi din khuwab ki soorat

Kon tera hai kon mera hai?

Chaar soo wehshaton ka dera hai

Kaisay mosam nay aan ghera hai

Aap miltay rahein to behtar

Chaar din ka yahan basera hai

Apni apni lagan mein sab gum hein

Kon tera hai kon mera hai?

Teri yadon  k jugnuon ki qasam

Zindagi mein buhat andhera hai

Raah rokay howe hai Khud dari

Mere har rastay mein pehra hai

Ye aankhein jheel kar do

Mujhe habeel kar do

Koi taweel kar do

Adhoora hun mein tum bin

Meri takmeel kar do

Badal do khud ko warna

Mujhe tabdeel kar do

Muhabbat reh andheri

Wafa qandeel kar do

Mein dooba chahta hun

Ye ankhein jeel kar do

Mehboob se shikwa

Kabhi taqdeer ka matam kabhi mehboob se shikwa

Ay manzil e muhabbat tere har mor pay rona aaya

Dard

Kon kehta hai nafraton mein dard hai mohsin

Kuch muhabbatein b bari aziyat naak hoti hein

Muhabbat kis ko kehtay hein

Jab bikhray ga tere rukhsar pay teri aankh ka pani

Tujhe ehsas tab hoga muhabbat kis ko kehtay hein

Umeedein

Wabasta ho gayi thein kuch umeedein aap se

Umeedon ka chiraagh bujhanay ka shukriya

hairan

Mein khud hairan hun apne sabar ki intiha daikh kar

Tum nay yaad karna chor diya mein ne intizar karna nahi

koocha e ishq

Ilm o hikmat ka jinhein ho shouq aaye na idhar

Koocha e ishq mein kuch b nahi hairat k siwa

Mosam

Osi jaga par khara hun jahan wo bichara tha

Suna hai jab se k mosam palat k aatay hein

Hamein tum se muhabbat hai

Jo baat hum keh nahi saktay ose hum farz kartay hein

Chalo hum farz kartay hein hamein tum se muhabbat hai

Teri bazam se

Uth kar to aa gaye hein teri bazam se magar !

Kuch dil he janta hai k kis dil se aaye hein

Muhabbat he to ki hai

Ibn e adam hun khataon se mubbara to nahin hoon

Hangama sa kyun barpa hai muhabbat he to ki hai

Aansu

Ik aansu keh gaya sab haal  dil ka

Mein smajhi thi ye zalim bay zuban hai

Fana

Mein fana ho gaya wo badla phir b nahi 

Meri chahat se b suchi thi nafrat oski

Haar jeet

Sikka bana kar jab b uchala gaya mujhe

Mein teri haar jeet mein taqseem ho gaya

Qaatil mera

Sab k honton par tabassum tha mere qatal k baad

Janay kya soch kar rota raha qatil mera

Jazbat machal jatay hein

Kalaii na pakra karo , , ,  Na he pass aaya karo

Baat chooriyon ki nahi , , Jazbat machal jatay hein

Neem hijabi

Khul k aa samnay , ya saaf gira dy chilman

Qatal karti hai teri neem hijabi mujh ko

Mout

Tujhe bhoolnay ko ik pal chahye

Wo pal k jisay mout kehte hein log

Ishq

Ab wahan yaadon ka bikhra hua malba he to hai

Jis jaga ishq nay bunyad e makan rakhi thi

Muhabbat kis ko kehtay hein

Kitabon se dalayal doon ya khud ko samnay rakh doon

Wo muh se puch betha hai muhabbat kis ko kehtay hein

Deewanay

Hamsafar b bichar gaye raastay b kho gaye

Aaye phir na lout kar jo deewanay ho gaye

Oqaat

Baith jata hun khaak par aksar!!

Apni oqaat achi lagti hai,,,,,,,!

Raasta

Tumhari aankhs se dil tak safar karna hai bas hum ko

Ye kitni khoobsurat manzilon ka raasta ho ga

Badnaam

Mout to naam se badnaam hui warna

Takleef to zindagi b diya karti hai