Tum sahir ho, Tum jadugar

Tum sahir ho , tum jadugar

Jab chaho tab phool khila do

Jab chaho tab khoon rula do

Jab chaho tab khuwab jaga do

Jab chaho tab neend ura do

Jab chaho tab piyaas barha do

Jab chaho tab piyaas bujha do

Jab chaho tab khushiyan bikhero

Kabhi to mere din b phero

Tum sahir ho , tum jadugar

Qitaa

Ab koi aur silsila kijiye

Faida kya hia kyun gila kijiye?

Aap se aik he guzarish hai

bus hamein pyar se mila kijiye

Mein chal raha hun musalsal

Kabhi safar kabhi zaad e safar nahi milta

Mein chal raha hun musalsal par ghar nahi milta

Khala mein gum hai abhi tak mera hayat kada

Jisay misaal kahein wo nagar nahi milta

Mein khud ko khojta phirta hun aik muddat se

Daroon e zaat ka mehwar magar nahi milta

Mein kyun hun, kya hun, faqat sochta ye rehta hun

Koi jawab mujhe sar ba sar nahi milta

ye kaisi jaa hai jahan dhoop he nahi dhalti

Kahan pay beth k dum lun, shajar nahi milta

Roz aik saaniha dikhata hai

Kijiye ahtisaab ki soorat

Hai yahi inqilaab ki soorat

Jis ki tafheen mujh se ho na saki

Aap hein es kitaab ki soorat

Roz o shab talkhiy e hayat ko mein

Pee raha hun sharab ki soorat

Hum to khud he gurez kartay hein

Warna niklay jawb ki soorat

Roz aik saaniha dikhaat hai

Aaina hum ko khuwab ki soorat

Raasta badalnay se manzilein nahi milti

Shouq bus nahi kaafi kamyabi panay ko

Hoslay b rakhna tum kashtiyan jalanay ko

Raasta badalnay se manzilein nahi milti

Aik rasta rakhna manzilon tak aanay ko

Ik jawaz to dy do mujh ko chornay ka tum

Log mujh se puchein gein kya kahun zamany ko

Khud parast they dono warna yun nahi hota

Rok tum b saktay they mein agar tha janay ko

Doston ko thukrana ye nahi mera sheva

Shart mukhlisi hogi aao azmanay ko

Bara gumaan tha mujh ko wafaon pay apni

Khushi kabhi b hamesha kisi k paas nahi rehti

Meri hansi se na samjho k mein udaas nahi

Bara guman tha mujh ko wafaon pay apni

Tumharay shehar mein koi wafa shanas nahi

Ye rang o noor ye mehfil ye doston ka hajoon

Tere bagher koi cheez mujh ko raas nahi

Ajeeb dor se guzra hoon mein tumhein kho kar

K zindagi ki mujhe aur koi aas nahi

Munafqat ka libada pehan k tum khush ho

Khayal khaam hai ye to koi libaas nahi

Aik sher

Ab aa gaya hun isi raah par k jis pay kabhi

Faseel khulti na thi, janay kaisay dar aaya

Jo baat hamesha rehti hai

Chubti hai jo baat hamesha rehti hai

Es uljhan mein zaat hamesha rehti hai

Tu jo mere sath hamesha rehti hai

Rangon ki barsaat hamesha rehti hai

Aankhon mein sapnay rehtay hein dil mein dard

Khuwabon ki soghaat hamesha rehti hai

Go tanha he rehta hun mein mehfil mein

yaadon ki baraat hamesha rehti hai

Sab kuch theek ho phir b dharka rehta hai

Jeet b ho to maat hamesha rehti hai

Din mein sooraj nikla b to nikla ho

Mere dil mein raat hamesha rehti hai

Jab tum jatay ho to phir mien sochta hun

Kehnay wali baat hamesha rehti hai

Kisi ko jeet bari hai

Go ehmiyat ki nahi baat, par hai baat bari

Kisi ko jeet bari hai kisi ko maat bari

Abhi kuch b nahi bigra

Abhi to phool khiltay hein

Abhi khushboo mehakti hai

Parinday aashiyano ko

Abhi pehchan saktay hein

Urano se thakein b to!

Kahin ruk kar!!!

Naye phir ik safar ki thaan saktay hein

Meri maano!

parindo ki tarah tehro

Naye phir ik safar pay tum ko jana hai

So! jana to tumhe ko hai

Phir es se kya gharz hai ab k mosam mein

Kahan jao?

Jahan b jao gy kuch mushkilein darpesh aayein gi

Kabhi sehra kabhi darya

Yahi qanoon e qudrat hai

Abhi kuch nahi bigra !

Hum ko jeene ka sahara kuch to ho

Zindagi ka istiaara kuch to ho

Hum ko jeene ka sahara kuch to ho

Aapko darya mubarak aur mujhe

Aik chota sa kinara kuch to ho

Ishq wehshat aur junoon sab mujh mein hein

Aap ko lekin gawara kuch to ho

Ik meri faryad se ho ga b kya?

Aap ne dil se pukara kuch , to ho

Kaash chashm e lamhaye mojood mein

Khuwab ho saray ka sara, kuch to ho

Tujhe badanam karnay aa gaya hun

Muhabbat aam karnay aa gaya hun

Ye dil neelaam karnay aa gaya hun

Mein apni zaat k saray hawalay

Kisi k naam karnay aa gaya hun

Shikasta hun magar aik aur koshish

Dil e nakam karnay aa gaya hun

Muqabil aa gaya hun Khud he apnay

Tujhe badnaam karnay aa gaya hun

Hum mein koi b bawafa hota

Saari duniya se yun nahi milta

Es se mera junoon nahi milta

Ro chukay hein k ab to ronay ko

Aik qatra b khoon nahi milta

Jab talak tum ko daikh lun na mein

Mere dil ko sakoon nahi milta

Tum nay manga nahin kabhi mujh ko

Mein tumhara tha kyun nahi milta?

Saari duniya ki baat choro tum

Tum se kaise kahun nahi pata

Hum mein koi b bawafa hota

Masla joon ka toon nahi milta

Junoon

Sarab khuwab ki barhti howi lagan k liye

junoon ki aag lapaknay lagi badan k liye