Gham ki es sil ko kabhi bhi samaj na paye gi (wasi shah)

Gham ki es sil ko kabhi bhi na samaj paye gi

Tu mere dil ko kabhi bhi na samaj paye gi

Mujh ko tasleem teri saari zahanat lekin

Mujh se jahil ko kabhi bhi na samaj paye gi

Pooch ly mujh se haqeeqat tu wagarna apnay

Aankh k til ko kabhi bhi na samaj paye gi

Bin muhabbat k tu hansti howi in aankhon ki

Bheegi jhilmil ko kabhi bhi na samaj paye gi

Zindagi khud bhi tujhay marna paray ga warna

Mere qatil ko kabhi bhi na samaj paye gi

zakham muskuratay hein ab bhi teri aahat par (wasi shah)

Zakham muskuratay hein , ab bhi teri aahat 

Dard bhool jatay hein, ab bhi teri aahat par

Shabnami sitaron mein phool khilnay lagtay hein

Chaand muskuratay hein , ab bhi teri aahat par

Umer kaat di lekin bachpana nahin jaata

Hum diye jalatay hein , ab bhi teri aahat par

Ghentiyan c bajti hein raqs honay lagta hai

Dard jagmagatay hein , ab bhi teri aahat par

Teri yaad aaye to neend jaati  rehti hai

Khuwab toot jatay hein , ab bhi teri aahat par

Jo sitam karay aa kar sab qabool hai dil ko

Hum khushi manatay hein , ab bhi teri aahat par

Ab bhi teri aahat par chaand muskurata hai

Khuwab gungunatay hein , ab bhi teri aahat par

Tere hijar mein hum par ik azaab taari hai

Chonk chonk jatay hein , ab bhi teri aahat par

Dastakein sajanay k muntazir nahin rehtay

Raat sajatay hein , ab bhi teri aahat par

Ab bhi teri aahat par aas lout aati hai

Hum diye jalatay hein , ab bhi teri aahat par