Tere utaray hue din

Tere utaray howe din tangay hein lawn mein ab tak

na wo puranay howe hein , na in ka rang utra

kahin se koyi bhi sewen abhi nahi udhri!

Ilaichi k buhat paas rakhay pathar par

zara si jaldi sarak aaya karti hai chaaon

zara sa aur ghana ho gaya hai wo poda

mein thora thora wo gamla hatata rehta hun

fakeera ab bhi wahin meri kofi daita hai!

Gulehriyon ko bula kar khilata hun biscuit

Gulehriyan mujhe shak ki nazar se daikhti hein

Wo tere hathon ka mass janti hon gi!!

Kabhi kabhi jab utarti hai cheel shaam ki chat se

thaki thaki si zara lawn mein ruk kar

safaid aur gulabi "masanday" k podon mein ghulnay lagti hai

K jaisay baraf ka tukra pighalta jaye whisky mein

mein "iskaaf" din ka galay se utaar daita hun

tere utaray hue din pehan k ab bhi mein

teri mehak mein kayi roz kaat daita hun!

Do parinday

Tukra ik dhoop ka jis khirki se aaya tha , esi khirki

se wapis ja kar

kaaanch pay tehar gaya

mur k phir jaaiza kamray ka liya

aur aahista se ja kar

lawn mein sehme hue aik parinday ki tarah beth gaya

Aik jhapattay he mein , Shaam es ko utha kar

Aam k pairr par ja bethi , isay noch diya

baal o par dhoop k es pairr se phir , dair talak girtay rahay!

Chittay doodhiya badlon mein ik bher ka bacha

Chittay doodhiya badlon mein ik bher ka bacha

andha dhund he , plane k peeche bhag raha tha

baayein wing se takraya hai

Zakhmi ho kar lurak gaya hai!

sooraj lot raha tha , es nay ruk kar daikha

aur kuch pal ko tehar gya.....

rooyi k galon se es nay kosish ki hai ponchnay ki

par khoon abhi tak ruka nahin hai

pooray ufaq par phel raha hai!

Dhoop ka purza

Shaam ka sooraj jatay jatay

darwazay k neechey se

dhoop ka ik chota sa purza phenk gaya hy

kal aaoun , nishchat to nahin hai

lekin es mamooray mein

aaj ka din bhi jee paye tum

isi liye

ye parchi rakh jata hun sanad rahay!

Hum nay daikha tha buhat dair talak

Hum nay daikha tha buhat dair talak doobtay sooraj ki taraf

aur jab chaltay howe hath milaya tha , kaha tha es nay

tum nay wada to kiya hai k yahin kal b milo gy

aur mujh se b kaha hai k gawahi daina

mein nahin aaoun ga , kal doosra sooraj ho ga

Hum nay daikha tha buhat door talak doobtay sooraj ki taraf

doosray din bhi magar daikh k hum ko , wo hansa kyun tha?

Matka bhar k sooraj ulta

Matka bhar k sooraj ulta , shaam nay door samandar ki dehleez pay ja kar

raat ka paishmina pehnay tum aayi thien!

Raat tumharay jisam se phisli parti thi

jisam tumhara ik jaltay siyaray saa

doodh aur dhoop se goondhi matti

aik falak bhar khushbu thi awaz tumhari!

Tum bol rahi thiein

hont tumharay chaand ki qashein kaat rahay they!

Mein hairaan!

Hairaan hairaan!

matka bhar k sooraj ka , aik aur sehar nikli paani se

ungli thaam k subah ki tum pani par chaltay chaltay aik aur ufaq ko loot gayi!

Waqt k pur israar kisi "komait" ki tarah

kaiynaat se aayein tum aur kaiynaat mein lot gayi!!

Wo dil lagi ko miltey they

Lay doobi mujhe.......  Ye saadgi meri

Wo dillagi ko miltey they hum muhabbat samaj bethey

Miley jo muhabbat to is ki qadar karna

Suno!

Zindagi apni hans k basar karna

Nafraton k rastay par na safar krna

Suno!

Wafa na ho to muhabbat aadhoori hai

Muhabbat k safar mein wafa ki fikar karna

Suno!

Zamana jitna b ho dumdard tumhara

Zamany ko na sharek e safar karna

Suno!

Muhabbat har kisi ka muqaddar nahi hoti

Miley jo muhabbat to oski qadar karna

Kitni sajji hai bewafai tere masoom chehre par

Kitni sajji hai bewafai tere masoom chehre par

Hum b pagal they k es aada par mar gaye..

Labon pe aa kar

Dam tor jati hai har shikayat

 labon pay aa kar

Jab masoomiyat se tum kehte ho

Mein nay kya kiya hai..?

Usko muhabbat thi

Raat jaagtey guzar jati hai

Esi hisaab mein!!

Usko muhabbat thi..?

Nahi thi..?

Hai..?

Nahi hai..?

Duaaein chal pari hein arsh ki janib

Duaaein chal pari hein arsh ki janib

Bus tu mera honay ki tayyari kar

Apni zaat se nikal kar tujhe tanha chahun

Apni zaat se nikal kar tujhe tanha chahun

Maloom tum ko b na ho tum ko itna chahun

Husn e shakhsiyat ko daikhun

Husn e shakhsiyat ko daikhun

ya libada e husn ko daikhun

Doni!! mein he janab

Bakamaal dikhtey hein

Mujhe zindagi bhar us k saath rehna hai

Koi aayat , koi jaadu , koi taweez la do

Mujhe zindagi bhar os k sath rehna hai

Ab k socha hai k

Ab k socha hai k khamoshi ko bana lein gein andaz e bayan apna

Na lafz dhoondhna parein gein na guzray ga nagwar kisi ko

Bin tere hai aadhuri

Es zindagi ko jeene ki aarzu

Bin tere hai aadhuri

Tera saath jo mil jaye

Meri zindagi ho jaye puri

Kaash hum khilona ban kar bikhtay

Meri zindagi se khelna sab ki aadat ban gayi hai

Kaash hum khilona ban kar biktay to aaj kisi aik k to ho jatey

Sab hadein tor kar aaj

Sab hadein tor kar aaj

Hadd kar di teri yaad nay

Kabhi milnay ki hasrat kabhi daikhnay ki chahat

Mat poocho kaisay guzartay hein ye pal tumharay bina

Kabhi milnay ki hasrat kabhi daikhnay ki chahat

jab teri aankhon mein aansu they

Jab teri aankhon mein aansu they meri khatir

Ek wohi lamha mujhe zindagi se pyara laga

Zindagi thak k girti hai

Zindagi thak k girti hai tou khayal aata hai

Jaan-lewa hai La-hasil ki tammana karna

Yaad karnay ki ham nay hadd kar di

Yaad karnay ki ham nay hadd kar di

Bhool janay mein tum b kamal rakhtay ho

Ek mein he nahi jurm e muhabbat ka khatawaar

Ek mein he nahi jurm e muhabbat ka khatawaar

Halka sa tabas'sum bhi tou shamil tha udhar se