Jo os k samnay mera ye haal aa jaye
To dukh say aur bhi os par jamal aa jaye
Mera khayal bhi ghunghroo pehan k naachay ga
Agar khayal ko tera khayal aa jaye
Har aik shaam naye khuwab es pay kaarein gay
Hamaray haath agar teri shaal aa jaye
Inhe dino wo mere sath chai peeta tha
Kahin say kaash mera pichla saal aa jaye
Mein apnay gham k khazanay kahan chupaoun ga
Agar kahin say koyi ind e maal aa jaye
Har aik baar naye dhang se sajayein tujhe
Hamaray hath ho phoolon ki daal aa jaye
Ye doobta hua sooraj tehar na jaye wasi
Agar wo samnay waqt e zawaal aa jaye
No comments:
Post a Comment