janay aisa kyun hota hai

Janay aisa kyun hota hai

Dard ko sehta rehta hoon mein

Apnay andar raakh ki soorat

Jalta aur sulagta hoon mein

Mubhim se ik khuwab ki manind

Toot'ta aur bikharta hoon mein

Mere hissay ki tareeki

Mere bakht mein shamil ho kar

Har manzar dhundla daiti hai

Soch ki har simt achanak

Ik nuqtay par aajati hai

Aur wo nuqta phel k saari

Umeedon ko kha jata hai

To mein es dam aajiz aa kar

Peshani jhuka daita hoon

Ro daita hun

Mujh mein aas jaganay wala

Es ik pal k khali pan ko

Rafta Rafta bhar daita hai

Apni karamat kar daita hai

Apni sift ki aik tajjali

Mujh par zahir kar daita hai

har gham se mamoor mera dil

Khushyon se mayus mera dil

Roshan Roshan ho jata hai

Phir se zinda ho jata hai

Aksar aisa he hota hai

Kuch b nahi

Koi jawab na koi sawal kuch b nahi

So mere zakhan ka ab andy e maal kuch b nahi

Tumharay baad mere pass kya bacha tha bhala

Na aaina na mere khadokhaal kuch b nahi

Mein aur kuch b nahi 2

Meri yaadasht se kharedari ki khushi mein waqiya waqti tor par mehw ho gaya tha lekin raat sonay se pehle walid ne mujh se kaha... Beta .. Jantay ho asal mein bara aadmi kon hota hai miene nafi mein sir hila diya to unhon ne kaha haqeeqi bara aadmi wo hota hai log jiski izzat es ki dolat ya ikhtiyaraat ki waja se nahi kartay balkeh wo logon k dilon mein rehta hai.....Es ka hukam logon k dilon par chalta hai mujhe inki baat samaj to nahi aayi magar pata nahi kyun , Achi zaroor lagi
                         Phi aahista aahista mujhe es baat ki samaj aanay lagi. Han agar aap logon k dil mein jaga bana sakein to apki ehmiyat hai warna nahin. Tab meine daikha k ziyada tar log likhne parhne walon ko pasand nahi kartay hein, So meine b parhna shorou kar diya. Qudrat ki meharbani se mujhe kuch is tarah k logon ka sath b naseeb ho gaya k jo danishwar to nahi lekin es qabeelay se talluq rakhtay they, In mein sab se pehle mere walid jo mere buhat achay dost b hein Phir adnan tabish jo ab kisi akhbar se wabasta hein pehle sher kehtay they magar phir najanay kyun sher goi tarak kar di.Jameel haider zaidi Jin ko mein kabhi faramosh nahi kar sakta unhon ne mujhe hamesha aik baray bhai aur mukhlis dost ki haisyat semeri har maamlay mein rehnumayi ki, Khud b baray achay sher kehte hein, Meri bunyadi Insiration inhe se hai, Phir Zia Khan Zia maroof shayer jin se hamesha nayaz mandi rahi in ki b muhabbat aur khuloos ne mujhe na sirf hamesha qeemti mashwaron se nawaza balkein hata ul imkan madad b ki, Inhi k tawasut se kehna shayer muhtaram rafi ud din raaz se mulaqatein howi. rafi ud din raaz se kabhi kabhi islaah aur pazerayi milti rahi . Yun mera shouq apni irtaqayi manazil teh karta raha aur aaj mein ALLAH ki meharbani aur deegar doston ki hosla afzayi ki waja se es kitab ko mukammal karnay mein kamyaad ho saka hun (Shakeel Ahmad)

Mein aur kuch b nahi

Ye in dino ki baat hai jab abhi mujhe likhna b nahi aata tha, Meri dadi jab b mujhe likhte parhte daikhtiein to wo aksar kaha karti k mera beta "Bara aadmi banay ga" wo parhi likhi nahi thein. magar  najanay kyun in k shaoor la shaoor mein ye baat thy k inhein apnay potay ko bara aadmi banana hai. aksar ye jumla in k mun se sun kar mein ne aik din in se poocha tha k bara aadmi kaisa hota hai.Inkay khayal k mutabiq bara aadmi wo hota hai jis k aagay peeche buhat se log hotay hein jo es ka hukam mantay hein aur wo buhat  paisay aur ikhtiyaraat wala hota hai.
         Mere zehan mein baray aadmi ki aik ajeeb c tasweer ubharnay lagi. Phir aik roz yun hua k mein apnay walid k sath eid ki kharedari karnay bazaar gaya wahan meine daikha k aik police ahalkaar safaid coton  mein malboos saada libaas mein, hath mein baid liye rerri walon par hukam chala raha hy,  kisi ko aagay aur kisi ko peeche rehne k liye keh raha hai, aur kuch log tamasha daikhne ki gharz se es k ird gird kharay ho gaye hein, mein b isay tiktaki bandhe daikhne laga.mere tasawur k mutabiq baray aadmi se es ahalkaar ki shabeeh match kar rahi thi shayad es liye mien esay daikhnay mein aisa meh huw k walid sahib kisi aur taraf chalay gaye aur mein whain khara raha kafi dair k baad wo mujhe talssh kartay hue aaye to mein es waqt b es ahalkaar ko he daikh raha tha, mujhe nahi maloom wo mujhs e kab se mukhatib thay jab unhon ne mujhe bazoo se pakar kar jhanjhora to jaise mein hosh mein aaya. unhon ne hairat aur qadray ghussay se mujh se poocha..... Kya baat hai kahan kho gaye ho shayad kafi dair guzar chuki thi. mere walid sahib ne mere andaz ko bari ahmiyat di aur mujhe aik hotal ki taraf le gaye.kyun k ab roza khulnay ka waqt ho chuka tha unhon ne chand khajoorein aur pakoray liye aur mere  paas foothpath par he baith gaye aur poochnay lagay k mein kya daikh raha tha to meine baray aadmi wali baat inhein batayi, mujhe yaad hy wo dair tak hanstay rahay magar unhon ne kuch kaha nahi phir hum shopping mukammal kar k ghar aaa gaye.(Shakeel Ahmad)

Intisaab

Meri har soch ki ikayi wo
wussatein b wo , ikhtisaar b wo
zameen o asmaan mein jo kuch hai
aur is k darmiyan mein jo kch hai
Es aik zaat ki takhleeq! Es aik zaat ka wasf
Esi k naam har ik intisaab khud ba khud
 koi b naam, koi lafz ya koi rishta
Likhun mein kaisay k jab tak ye mera zehan rasa
teri janaab se hasil na kar sakay ga khayal
ye eski shaan k zahir b aur baatin b
sabhi k beech b rehta hai aur charo taraf
Esi k naam har ik intisaab khud ba khud

Ijazat nahi

Shikwa to buhat hai magar shikayat nahi kar sakta
Mere honton ko ijazat nahi tere khilaf bolnay ki

Tamasha b . tamashayi b

Apne he haal pay hansna kabhi hans k rona
Mein baik waqt tamasha b, tamashayi b

Tere bin aaj ka din

Wo khamosh he raha aur hum muntazir e guftagu rahay
K kabhi to wo b kahay k tere bin aaj ka din buhat udaas raha

Ye tumhari sultanat hai

Suno! ik tum he ko to bakshi hai dil ki hakoomat
Ye tumhari sultanat hai barbad karo ya aabad karo

Mujhe takleef daita hai

Saari duniya k rooth janay se mujhe koi gharz nahin
Bus ik tera khamosh rehna mujhe takleef daita hai

Toot k bikhar jao gy

Muhabbat karni hai to had mein reh kar karna
Agar kisi ko by panah chaho gy to toot k bikhar jao gy

Dil mein utar janay

Mutasir hum b nahi hotay itni jaldi kisi se magar
Kuch logon ko dil mein utar janay ka fan aata hai

Ishq k azabon mein

Tawajoh dy apni taleem par na par ishq k azabon mein
Aksar wo log barbaad hotay hein jo rakhtay hein phool kitabon mein

Wo bayqasoor tha

Es k chehre pay es qadar noor tha
K iski yaad mein rona b manzoor tha
Bewafa b nahi keh saktay es ko
Pyar to hum ne kiya hai wo bay qasoor tha

Hum itne b nahi badlay

Hum itne b nahi badlay k bhool jayein apno ko
Jab koi muntazir he na ho to rabta acha nahi lagta