POETRY BLOG: 2014

Tuesday 30 December 2014

Where the sidewalk Ends

There is a place where the sidewalk ends
And before the street begins,
And there the grass grows soft and white,
And there the sun burns crimson bright,
And there the moon-bird rests from his flight,
To cool in the peppermint wind.

Let us leave this place where the smoke blows black,
And the dark street winds and bends,
Past the pits where the asphalt flowers grow,
We shall walk with a walk that is measured and slow,
And watch where the chalk-white arrows go,
To the place where the sidewalk ends.

Yes we'll walk with a walk that is measured and slow,
And we'll go where the chalk-white arrows go,
For the children, they mark, and the children, they know
The place where the sidewalk ends.

Phenomenal Woman

Pretty woman wonder where my secret lies.

i'm not cute or built to suit a fashion model's size

But whein i start to tell them,

They think i'm telling lies.

I say,

It's in the reach of my arms

The span of my hips,

The stride of my step,

The curl of my lips.

I'm a woman

Phenomenally,

Phenomenal woman,

That's me.

I walk into a room

Just as cool as you please,

And to a man,

The fellows stand or

Fall down on their knees.

Then they swarm around me,

A hives of honey bees.

I say,

It's the fire in my eyes,

And the flash of my teeth,

The swing in my waist,

And the joy in my feet,

I'm a woman

Phenomenally

Phenomenal woman,

That's me.

Men themselves have wondered

What they see in me

They try so much

But they can't touch

My inner mystery

When i try to show them

They say they still can't see

I say

It's in the arch of my back,

The sun of my smile,

The ride of my breasts,

The grace of my style,

I'm a woman

Phenomenally,
Phenomenal woman,
that's me.

Now you understand
Just why my head's not bowed.
I don't shout or jump about
Or have to talk real loud.,
When you see me passing,
It thought to make you proud,
I say,
It's in the click of my heels,
The bend of my hair,
The palm of my hand,
The need of my care,
Cause i'm a woman
Phenomenally,
Phenomenal woman,
That's me.

Monday 29 December 2014

Ikhtitam e December

Aao lipat jao mere seene se k Ikhtitam e december hai

Kaheen ye sard hawa tumhein bemaar na kar day

Megha kalay , kalay megha

Megha kalay , kalay megha

Kahan kahan bhatkay phirtay ho

Kin sotan bharmaye li tum ko?

Dheela dheela khait gorr k

Aur biyaj pay beej utha k

Sonch rahay they sawan mein na aaye to bhaado aao gy

Door ufaq se aatay to daikha tha hum nay

Aur aakash pay chartay b daikha tha , koi laathi aur langot

Pehan k haank raha tha

Beech dagar mein kahan gaye tum , Kalay megha?

Kon they wo jo taaga bandh k nathni mein

Aur kaheen ko 'hainch' k ly gaye!

Jatay jatay , kalay megha , tum ne neeche daikha tha kya?

Mera gaaon wesay he sookha hai ab tak

Nadi to keech ki bheegi pagdandi lagti hai

Nayya kaisay thelein es mein?

Kunwan undelein nadya mein , ya nadya lawein kunwein k mukh tak

Dono piyasay ik doosray ka mun taktay hein!

Kalay megha

Chakki kya peesay , kya bantay

Aaata ly jata hai banya

'Dhanya' ko cho kar milta hai

'Punya' apni naslein ly kar

Khait ki mendh pay beth gayi hai

Bachay to ghar ki kheti hain , bandhwa rakh k

Joh ki tokri mil jati hai!

'Nain' ka chora baap k sang darya bunta hai

'Roopa' jangal mein sookhi lakri chunti hai

Tain nay ye b daikha ho ga

Shehar ko chapay marnay ki aadat hai , megha

Shehar daketi karay to bachay jaib mein bhar k ly jata hai

Bachay bik jatay hein jaisay rerhi par bhuttay biktay hein

Megha tum bin oonchi aatari daikh k ghan barsaty ho ab

Oonchay paharon ki barfon se kyun ja takratay ho ?

Ye barfein kab pighli hein

In k paon talay se paani behta hai jab

Mere gaon talak aatay aatay kuch log kadalon se

Kaat k ly jatay hein paani!

Mere khait ki piyas nahi jati megha

Kab tak aous ki boondon se mein apni piyasi khaiti senchun?

Megha kalay , Kalay megha!

Barish aati hai to

Baarish aati hai to mere shehar ko kuch ho jata hai

Teen ki chat , tharpal ka chajha , peepal , pattay , parnala

Sab bajnay lagtay hein

Tang gali mein jatay jatay

Cycle ka pahiya pani ki kuliyan karta hai

Baarish mein kuch lambay jo jatay hein qad b logon k

Jitnay ooper hein , Itnay he pairon k neeche pani mein

Ooper wala tairta hai to neeche wala doob k chalta hai

Khushk tha to rastay mein tak tak chatri tek k chaltay they

Baarish mein aakash pay chatri tek k tip tip chaltay hein!

Barish hoti hai jab

Barish hoti hai jab

To in garay pathar ki deewaron par

Bheegay bheegay naqshay ban'ny lagtay hein

Hichki hichki barish tab pehchani si aik likhayi lagti hai

Barish kuch keh jati hai

Aisa he ashkon se bheega

Ik khat shayad , tum ne pehle daikha ho!

Sardi thy aur kohra tha

Sardi thy aur kohra tha aur

subah ki bas aadhi ankh khuli thi , aadhi neend mein thy

Shimla se jab neeche aatay

Aik pahari k konay mein

Bastay jitni basti thi aik

Batway jitna mandar tha

Sath lagi ik masjid , Wo b locket jitni

Neend bhari do banhon jaisay masjid k meenar

Galay mein mandar k

Do masoom khuda soye they

Aik boorhe jharnay k neeche!

Dono ik sarak k aar paar chal rahay hein hum

Dono ik sarak k aar paar chal rahay hei hum!

Os taraf se osne kuch kaha jo mujh tak aatay aatay

Raastay k shor o ghul mein kho gaya

Mein ne kuch isharay se kaha magar

Chaltay chaltay dono ki nazar na mil saki

Ose mughaalta hai mein

Oski justaju mein hun

Mujhe ye shak hai ' wo kahin

Wo na ho' Jo mujh se chupta phirta hai!

Sunday 28 December 2014

Kabhi aana paharon par

Kabhi aana paharon par

Dhuli barfon k namday daal kar aasan bichaye hein

Paharon ki dhalano par buhat se janglon k khaimay khainchay hein

Tanabein baandh rakhi hein kayi devdar k mazboot pairon se

Palaash aur gul muhar k, hathon se kaarhay hue takiye lagaye hein

Tumharay raston par chaon chirki hai

Mien badal dundta rehta hun

K gehri waadiyan khali nahi hoti

Ye chilman barishon ki b utha dun ga ' jab aao gy

Mujhe tum ne zameen di thy

Tumharay rehne k qaabil yahan ik ghar bana dun mein

Kabhi fursat milay jab baaqi kamon se to aa jana

Kisi weekend par aa jao!!!

Thiek se yaad nahi

Thiek se yaad nahi

France mein 'bordu' k pas kahin

Thori si dair rukay they

Chotay se qasbay mein, aik chota sa lakri ka girja

Samanay "Aaltar k" bench tha

Aik he shayad

Bheer uthaye hue ik eesaa ki chobi moorat!

Logon ki shamon se

paon kuch jhulsay hue

Pighli hui mom mein kuch doobay hue

Jisam par mekhein lagi thi

Aik kandhay par thi , jorr jahan khulnay laga tha

Aik nikli hui pehlu se jisay bheer ki taang mein se thok diya tha

Aik kohni k zara neeche jahan toot gayi thi lakri

Gir k shayad

Ya safai kartay hue!

Duayein phoonktay rahay

Khayal ko wajood dy k , es ko dhoondtay rahay

Wajood jo khayal tha!

Duayein phoonktay rahay, dhuein mein hum

K aag k lipat uthey to tham lein

Osay tumhara naam dain

Paharon ki ghufaon mein

Kisi nay justaju jala k rakhi thy

Aur intizar k liye

Samay ki intiha hata k rakhi thy

Ibadatein tarashin pathron pay aur ghar bana liye khayal ki panah k liye

bus aik umeed k gunah k liye!

Tamam shab jali hai shama hijar ki

Umeed b bachi hai to bas itni

Jitni aik baanjh ki kokh ko umeed ho!!

jazbaat

Log lehjon mein chupa laitay hein jazbaat apnay

Ankhein parhnay ka hunar seekhna zaroori hai

Jaal

Waqt jaisay khalaa mein tehra tha

Sab he aa aa k es mein phanstay rahay

Jaal goya koi sonehra tha

************************************

Muahabbat

Muahabbat b to ik aatish fishan hai

Ye phat'ta hai to phir es se nikalnay wala laawa

Dilon k beech behta hai

Ye laawa aankh se ho kar guzarta hai

Jahan jata hai ye

Jalnay ki shiddat aur barhti hai

Muhabbat aur barhti hai

Yahi laawa kabhi jab sard parta hai

Zameen dil ki bari zarkhaiz kar daita hai es dam

Magar phir b tapish eski

Hamesha baaqi rehti hai

Mere andar ka insaan dar gaya hai

Marwat mein tere dar par gaya hai

Wagarna kon kis k ghar gaya hai

Hawadas zindagi mein aisay aaye

Mere andar ka insaan dar gaya hai

Ye kya munsif hein? kaisay faislay hein?

Jahan katni thy ungli , sar gaya hai

Ghulami khuwaishon ki kar rahay hein

Zamana kya taraqi kar gaya hai

Intibah

Kaha nahin tha

K meri aankhon ki putliyon mein

Jo khuwab hein aagahi k

Inhein na chero

Wo khuwab daikho bikhar gaye hein

Kaha nahin tha

K maan jao

Ana ka jangal buhat ghana hai

Jo es mein bhatka wo phir na louta

Suno! darinda e tawaqo

Mein apni masoom khuwaishon ko

Khud apnay hathon se maar dun ga

Mein tum se kuch b nahi kahun ga

Kaha nahi tha!

Dabi howi raakh na koredo

K mera maazi jali hui raakh he hai jaana!

Jo ooper se bujh gayi hai

Magar tapish eski ab b aisi k jis ki hiddat

Har aik munjamid ko jala k rakh dy

Kaha nahi tha!

K aarzuein nahi jagao

Yahan pay kya hai, k jis ko keh dein

K es par hamari dastaras hai

Na khuwab he aur na he haqeeqat

Jo khuwab diakhay bikhar gaye hein

Wo khuwab nasoor ban gaye hein

Kaha nahi tha!

K khuwab zindagi hein

To mere khuwabon se tum na khelo

So tum ne ye b kabhi na socha

k Aagahi k azaab b hein

Jo rog hein zindagi k

Wo khuwab he hein

K ab basarat to chin gayi hai

Magar chand khuwba reh gaye hein

So ab mujhe in bay basarat aankhon mein khuwab rakh kar b kya milay ga?

Bhool jaoun ga agar zinda raha

Jaz tere phir kon tabinda raha

Haan muhabbat ki to mein zinda raha

Aur kya karta bajaz maaafi talab

Apni nadani pay sharminda raha

Jao meine kar liya wada tumhein

Bhool jaoun ga agar zinda raha

Dard

Mein ne kab mehsoos kiya tha itna meetha meetha dard

Dil k andar tuj se pehle dil k andar tere baad

Mujh ko to bynoor lagay hein chahay jitnay roshan hon

Saaray manzar tujh se pehle saaray manzar tere baad

Buaht masoom hein tumhari aankhein

Jahan mein dhoom hein aankhein tumhari

Buhat masoom hein aankhein tumhari

Mein in ko diakh k pathra gaya hun

Bari maghmoom hein aankhein tumhari

Kahan dhoondhun? mein khud ko janta hun

Mujhe maloom hein aankhein tumhari

Ye duniya aik taraf, tum ik taraf

So kab maadoom hein aankhein tumhari

Mein jo kuch sochta hun sab hai in mein

Mera mafhoom hein ankhein tumhari

Qitaa

Meri har baat ki nafi kar k

Faislon mein daraar dali hai

Mujh ko bas rad nahi kiya tum nay

Meri hasti bigaar dali hai

Kya mera haal poochtay ho tum

Kya mera haal poochtay ho tum?

Kya bataoun mein dil ki bat tumhein?

Mustakil aik azaab hai, mein hun

Meri aankhon mein khuwab hai, mein hun

Khuwab ka aik he hawala hai

Jo mere jisam se hai rooh talak

Ab meri rooh mere jisam k sath

Khel karnay pay utar aayi hai

Khuwab

Pathron mein gulab rehta hai

Meri aankhon mein khuwab rehta hai

Kaaran

Sabhi kuch hai yahan par!

Magar ik tum nahi ho

Tumharay aik na honay k kaaran

Yahan kuch b nahin hai

talaash

Neelgun aasman ki wussat hai

Aur apni talaash mein hun mien

bari ulfat se nafrat poochta hai

Bari ulfat se nafrat poochta hai

Wo tanhayi ki babat poochta hai

Nahin kehta hai dil ki baat apni

Meri mujh se nihayat poochta hai

Mein chahun b to es ko kya bataoun

Muhabbat ya marwat poochta hai

Meri aankhon mein parh k azam o himmat

Mere jazbon ki nisbat poochta hai

Kabhi rehta hai mujh se pehron shaaki
Kabhi mujh say shikayat poochta hai

Shakeel es aadmi ko yaad rakhna
K jo waqt e zaroorat poochta hai

Qitaa

Zindagi ki gaari kok khud dhakail sakta hun

Aaayein jitany gham sab he jhail sakta hun

Ye b dhiyan mein rakhna tum agar khilaari ho

Mein b aik khilaari hun mein b khel sakta hun

Khamoshi

Chup k parday mein khari khamoshi

Raat se khoob lari khamoshi

Aag nas nas mein piro day gi ye

Apni zid pe jo arri khamoshi

Chup zehar phel gaya ang ang mein

Dard raton se bari khamoshi

Aag lafzon mein zehar lehjay mein

Kis nay daikhi hai karri khamoshi

Mujh ko lagta hai k ab ro day gi

Aik konay mein pari khamoshi

Samandar jheel kaisay ho

Khalaa nazdeek aa poucha hai ab to

Ye duniya b simat'ti aur sukarti ja rahi hai

Mein hun aik tashna lab sehra

Aur tum aik samandar ho

Bhuja do piyas ko meri!

Kabhi milnay ko aao to!

Tumhara sab namak aur har kasafat jazab kar lun mein

Tumhein wapis na janay dun

Tumhein tabdeel kar dun mein

Samandar jheel kar dun mein

Nahi ho tum to khud socho

Meri takmeel kaisay ho

Samandar jheel kaisay ho

Mukhtasir nazmein

Roshini ki daleel kya hoti?

Zindagi k liye jo mangi gayi!!!

Aur koi sabeel kya hoti?

********************

Aik safar se aaya hun aur aik safar ko jana hai

Kuch arsa to sath chalo

Phir to sab ko apni apni rah guzar par jana hai

**********************

Dil k andar chor

Mere andar jaag utha hai

tanhayi ka shor

*************************

Tum ho meri jaan

Tum ho meri jaan

Saath tumharay rehna chahun

Aik yahi armaan

kantay aur babol

Tum bin mera jeevan jaisay

Sehraon mein dhool

Chodveen raat ka chand

Jab se tum ko daikha jaana!

Mujh ko laga hai maand!

Jaan tum par nisaar kar dekhein

Hum andheray se pyar kar dekein

Aao phir aitebaar kar dekhein

Zindagi kitni khubsurat hai

Zindagi ko guzar kar dekhein

Tere inkaar par nahi moqoof

Jeet ko aaj haar kar dekhein

Zakham gin'nay se laakh behtar hai

Chahton ka shumar kar dekhein

Es se tum ko yaqeen aajaye

Jaan tum par nisaar kar dekhein

Qitaa

Khayal e yaar meinhum zeest guzaray howe log

Ajeeb zakham banay jaan se pyaray howe log

So es k dar k siwa aur koi dar he nahin!!

Bata k jayein kahan dard k maray howe log

Saturday 27 December 2014

Mout chaho to zindagi rakhna

Apnay honay ki aagahi rakhna

Meri maano to roshni rakhna

Har dua ka tazaad milta hai

Mout chaho to zindagi rakhna

Apni tehreer mein asar chaho

Apnay lehjay mein saadgi rakhna

Jab mayassar na ho sharab tumhein

In ki aankhon se jaam pee rakhna

Tum se meri nabhi nahi na sahie

Sab se rakhna hansi khushi rakhna

Jin ki fitrat ho sirf achayi

Aisay logon se dosti rakhna

Muhabaton pay abhi aitebar rehne do

Dilon mein pyar gulon pay bahar rehne do

Muhabaton pay abhi aitebar rehne do

Ye mosamon ki karri dhoop dhal b sakti hai

Abhi se sood o ziyaan ka shumar rehne do

Mein ishq paisa hun soorat gari hai shouq mera

So mere wastay ye rozgaar rehne do

Utar chuka hai nasha ab to sirf yadein hein

Wo qaafla to gaya b ghubaar rehne do

Mein gham zada to nahi hun Ye meri aadat hai

So thori dair abhi sogwaar rehne do

Dard mein doob gayi shaam pas e tanhai

Dard mein doob gayi shaam pas e tanhai

Aur hum b rahay nakam pas e tanhai

Koi ruswayi si ruswayi hui thy apni

Hum nay khud ko kiya badnam pas e tanhai

Aik hum he they azadar e junoon e ulfat!

Aur hota b kya anjam pas e tanhai

Pehli manzil se palat aaya tha mein to warna

Aazmaaish thy har ik gaam pas e tanhai

Aik hum he to nahi zer o zabar duniya mein

Dagmagatay hein dar o baam pas e tanhai

Khud ko dhoka diya sada meine

Ye tamasha ajab kiya maine

Khud ko mushkil bana liya maine

Roshni ki sabeel kar li hai

Raah mein rakh k ik diya maine

Koi mujh ko fareb kya dy ga

Khuwaishon ko sula diya maine

Tum nay aankhon mein tha utara gham

Aur dil se laga liya maine

Kon dy sakta hai fareb miyaan

Khud ko dhoka diya sada maine

Khuwab khush fehmi nahin ho saktay

Khuwab khush fehmi nahi ho saktay

Ye to wo rahguzar hein jin par

Baarha irtiqa guzarta raha

Ilam ki aankh daikh sakti hai

Soch ki wusat e khayal hein kuwab

Khuwab khush fehmi nahi ho saktay

Khuwab aahat hein in takazon ki

Jis se tameer k dar wa ho jayein

Azam hai gar, Buaht faaul hein khuwab

Khuwab khush fehmi nahi ho saktay

Ab zulf mujhe daikh k lehrayi buhat hai

Dil ko tere lehjay ki pazeerayi buhat hai

Hum ko to ye andaz masehayi buhat hai

Go lafz hein saada magar itne nahi saada

Socho to meri baat mein gehrayi buhat hai

Tanhai pasanad log mujhe kehnay lagay hein

Tanhai mein b anjuman aarayi buhat hai

Pehle teri aankhon nay kiya mujh ko pareshan

Ab zulf mujhe daikh k lehrayi buhat hai

Suno jaana

Suno jaana!!!

Kya do ghari pyar ki karein batein??

Dil dukhanay ko umer saari hai!

Aankhein

Taman raat yunhi dekhein gi soo e dar aankhein

Tujhay ganwaa k na soyein gi umar bhar aankhein!!

Wada

Teri majburiyan durust magar

Tera wada tha

Yaad rakhnay ka

Karwatein

Shouq se badlo par ye zehan mein rkhna!!!

Hum jo badlay to karwatein badaltay reh jao gy

Alvida

Jis k milnay k muntazir they hum aik arsay se

Faraz

Kamaal ka shakhs tha, aaya b to alvida kehnay

Friday 26 December 2014

Ye saal b aakhir beet gaya

Ab yaad dilayein kya tumko

Ye saal b aakhir beet gaya

Aur apna to koi dais nahi

Ye baazi b jag jeet gaya

Wo sard hawaein ab b hein

Rangeen fizaein ab b hein

Wo bheegay bheegay pani ki

Pur shore sadaein ab b hein

Mein jab b udhar ko jata hun

Aur dil apna sulgata hun

Ab tum nahi hotay saath mere

Hotay hein khali hath mere

Pur shore sadayein poochti hein

Wo sard hawayein poochti hein

Wo kahan gaya saathi tera

Kya phir ye zamana jeet gaya

Ab yaad dilayein kya tum ko

Ye saal b aakhir beet gaya

Thursday 25 December 2014

Mere sath mein jab tu chalnay lagta hai

Mere sath mein jab tu chalnay lagta hai

Aik rawaiya roop badalnay lagta hai

Meri baat pay hanstay ho tum aas diya

Man mandar mein kuhd he jalnay lagta hai

Khuwabon mein deewar dikhayi daiti hai

Tabeeron ka sooraj dhalnay lagta hai

Roshan aankhein bujhnay lagti hein jis dam

Ho kar bay bas hath wo malnay lagta hai

Hum they azaad par muhabbat nay

Aur kuch din isay tu jhail miyan

Zindagi hai nahi hai khel miyan

Aur daikhein kahan pay ly jaye

Itni paisay ki rail pail miyan

Koi umeed hum se mat rakhna

En talon mein nahi hai tail miyan

Hum they azaad par muhabbat nay

Naak mein daal di hai naakel miyan

Kisi din

Meri aankhon mein bas jao kisi din khuwab ki soorat

Buhat din ho gaye hein jagtay! Mein so nahi paaya

Udasi k bhanwar mein raasta b ho nahi paaya

Sulagti dhoop mein tabeer ka saaya nahi daikha

Buaht din ho gaye hein chandni mein ro nahi paaya

Mere dil mein b utro tum shab e mehtaab ki soorat

Meri aankhon mein bas jao kisi din khuwab ki soorat

Meri es bay yaqeeni ko koi b naam tum day do

Gumaan , andesha ya phir koi b ilzaam tum day do

Ik aisi shaam jis k baad tum meri raho ban kar

Agar kuch day sako to mujh ko aisi shaam tum day do

meri nas nas mein ghul jao kabhi seemaab ki soorat

Meri aankhon mein bas jao kisi din khuwab ki soorat

Kon tera hai kon mera hai?

Chaar soo wehshaton ka dera hai

Kaisay mosam nay aan ghera hai

Aap miltay rahein to behtar

Chaar din ka yahan basera hai

Apni apni lagan mein sab gum hein

Kon tera hai kon mera hai?

Teri yadon k jugnuon ki qasam

Zindagi mein buhat andhera hai

Raah rokay howe hai Khud dari

Mere har rastay mein pehra hai

Ye aankhein jheel kar do

Mujhe habeel kar do

Koi taweel kar do

Adhoora hun mein tum bin

Meri takmeel kar do

Badal do khud ko warna

Mujhe tabdeel kar do

Muhabbat reh andheri

Wafa qandeel kar do

Mein dooba chahta hun

Ye ankhein jeel kar do

Pages

Tuesday 30 December 2014

Monday 29 December 2014

Sunday 28 December 2014

Saturday 27 December 2014

Friday 26 December 2014

Thursday 25 December 2014

Google ads

Google ads

Total Pageviews