Jab se ye pegham mila hai
Janaa ! tum aanay wali ho
Mosam nay saray ghar ki tarteeb badalkar rakh daali hai
chokhat pay ik chand bhi aa kar beth gaya hai
Kayi sitaray laaounj mein kab se paray howe hein
Kehtay hein k
Es rastay se tum guzro gy
Nanhay munnay kayi gulabon ka kehna hai
Jitnay din tum paas raho gy
Ghar k har konay mein aa kar wo mehkein gein
Phoolon nay mil kar sab konay baant liye hein
Jugnoo kab se chat pay , ghar k
Har goshay mein chamak rahay hein
Sooraj aur baarish bhi kal se saaiyban par tikay howe hein
Dheemay dheemay chehak rahay hein
Shaam to kab se kayi tarah k mosam lay kar
Es kamray mein ruki hui hai jis kamray mein tum thehro gy
Tum aao gy to ye shaam hazaron mosam
Sundar sundar saji howi aankhon ko dy kar
Kho jaye gi
Phir na kabhi wapis aaye gi
Es se pehlay k ye shaam b
Saaray mosam lay kar mujh ko khaali kar k kho jaye
Tum aa jao naa !
Abhi aaa jao............!!!1
No comments:
Post a Comment