Aankhon se meri es liye laali nahi jati
Yadon se koyi raat jo khali nahi jati
Ab umar na mosam na wo rastay k wo paltay
Es dil ki magar khaam khayali nahi jati
Maangay tu agar jan bhi hans k tujhe day dein
Teri to koyi baat bhi taali nahi jaati
Aaye koyi aa kar ye tere dard sanbhalay
hum se to ye jageer sanbhali nahi jati
Maloom hamein bhi hein buhat se tere qissay
Par baat teri hum se uchaali nahi jati
Humraah tere phool khilaati thi jo dil mein
Ab shaam wohi dard se khali nahi jati
Hum jaan se jayein gein tabhi baat banay gi
Tum se to koyi raah nikali nahi jati
No comments:
Post a Comment