Ab jo lotay ho itnay saalon mein
Dhoop utri howi hai baalon mein
Tum meri aankh k samandar mein
Tum meri rooh k ujalon mein
Phool he phool khil uthey mujh mein
Kon aaya mere khayalon mein
Mein nay jee bhar k tujh ko daikh liya
Tujh ko uljha k kuch sawalon mein
Meri khushiyon ki kaiynaat bhi tu
Tu he dukh dard k hawalon mein
Jab tera doston mein zikar aaye
Thaiss uthti hai dil k chalon mein
Tum se aabad hai ye tanhayi
Tum he roshan ho ghar k jalon mien
Saanwli shaam ki tarah hai wo
Wo na goron mein hai , na Kalon mein
Kya osay yaad aa raha hun wasi
Rang ubhray hein os k gaalon mein
No comments:
Post a Comment