Baad hamd e ilahi k behtreen raasta

Hazrat jabir (Razi ALLAH taala unho) nay kaha k sarkar e aqdas 

(Sallallahu alaihe wa aalihi wasalam) nay (ghaliban  aik khutbay mein) farmaya. Baad 

Hamd e ilahi k maloom hona chahye k sab se behtar kalaam kitab ALLAH aur behtreen

raasta Muhammad (Sallallahu alaihe wa aalihi wasalam) ka raasta hai aur bad tareen

cheezon mein wo hai jisay nikaala gaya aur har bid'dat gumrahi hai (Muslim , Mishkaat)

Sunnat agar khatam hogayi ho

Hazrat bilal bin haris mazni (Razi ALLAH taala unho) se riwayat hai k unho ne kaha k

sarkar e aqdas (Sallallahu alaihe wa aalihi wasalam) nay farmaya k jis ne meri kisi aisi

sunnat ko  (logon mein) raaij kiya jis ka chalan khatam ho chuka ho to jitnay log es par

amal karein gein in sab k barabar raaij karnay walay ko sawab milega aur amal karnay

walon k sawab mein kuch kami na hogi . aur jis ne koi aisi nayi baat nikali jo saiyya hai

jisay ALLAH aur rasool (Sallallahu alaihe wa aalihi wasalam) pasanad nahi farmatay

 to jitnay log es par amal karein gein in sab k barabar nikaalnay walay par gunah hoga aur 

amal karnay walon k gunahon mein kuch kami na hogi (Tirmizi , Mishkaat) 

Sunnat aur Bid'dat

Hazrat abu hurairah (Razi ALLAH taala unho) nay kaha k rasool e kareem

(Sallallahu alaihe wa aalihi wasalam) nay farmaya k jo shakhs meri ummat mein

(amli ya aiteqadi) kharabi paida honay k waqt meri sunnat par amal karega

es ko so(100) shaheedon ka sawab milega. ((Mishkaat)

Client ID: ca-pub-4413449750688040

Bad mazhab agar bimaar ho jayein

Hazrat abu hurairah (Razi ALLAH taala unho) nay kaha k sarkar e aqdas 

(Sallallahu alaihe wa aalihi wasalam) nay farmaya k bad mazhab agar bimar parr jayein to 

inki ayadat na karo. agar mar jayein to in k janazay mein shareek na ho' in se mulaqaat ho to inhein salam na karo' in k paas na betho ' in k saath pani na piyo ' in k saath khana na khao ' in

k saath shadi biyah na kro ' in k janaza ki namaz na parho ' aur na in k saath namaz parho (Muslim shareef)

Bad mazhab ka deen se nikal jana

Hazrat huzaifa (Razi ALLAH taala unho) se riwayat hai k unho nay kaha k rasool e kareem

(Sallallahu alaihe wa aalihi wasalam) nay farmaya k khuda e taala kisi bad mazhab ka na 

roza qabool karta hai na namaz na zakaat na hajj na umrah na jihad na nafal na farz. 

Bad mazhab deen se aisay nikal jata hai jaisa k ghoondhey howe aatay se baal nikal

jata hai (Ibn e Maaja)

Bad mazhab dozakh walon ko kehte hein

Hazrat abu amama (Razi ALLAH taala unho) nay kaha k rasool e kareem

(Sallallahu alaihe wa aalihi wasalam) nay farmaya k bad mazhab dozakh walon ko

kehte hein (Daar qatni)

Bad mazhab ko dushman samjho

Hazrat anas (Razi ALLAH taala unho) se riwayat hai k unhon nay kaha k sarkar e aqdas

(Sallallahu alaihe wa aalihi wasalam) nay farmaya k jab tum kisi bad mazhab ko daikho

to es k samnay turush royi se paish aao. es liye k Khuda taala har mazhab ko dushman 

rakhta hai (Ibn e asakar)

Bad Mazhab

Hazrat ibrahim bin maisara (Razi ALLAH taala unho) nay kaha k rasool e kareem 

(Sallallahu alaihe wa aalihi wasalam)  nay farmaya k jis nay kisi bad mazhab ki 

Taazeem o touqeer ki to es nay islam k dhanay par madad di (Mishkaat)

Gumraah aur firqa

Hazrat abu hurerah (Razi ALLAH taala unho) se riwayat hai k rasool e kareem 

(Sallallahu alaihe wa aalihi wasalam) nay farmaya k Aakhri zamanay mein (aik groh) fareb

 dainay walon aur jhoot bolnay walon ka hoga wo tumharay samnay aisi baaten laayein gein jin ko na tum nay kabhi suna hoga na tumharay baap dada nay. To aisay logon se bacho

aur inhein apne qareeb na aanay do taa k wo tumhein gumraah na karein aur fitnay mein na

Daalein (Muslim , Mishkaat)

Seedh Raasta

Hazrat abdullah bin masood (Razi ALLAH taala unho) nay farmaya k sarkar e aqdas

(Sallallahu alaihe wa aalihi wasalam) nay hamein samjhanay k liye aik seedhi lakeer

khenchi phir farmaya ye ALLAH azawajal raasta hai phir isi seedhay khat k daayen

baayen aur chand lakeerein khench kar farmaya ye bhi raastay hein. in mein se har aik

raastay par shetaan betha hua hai jo apni taraf bulata hai . phir hazoor 

(Sallallahu alaihe wa aalihi wasalam) nay aayat tilawat farmayi (tarjuma) yani ye mera seedha raasta hai to isi par chalo aur doosri rahon par na chalo k wo tumhein es seedhi raah se

juda kar dein gi. (Ahmad , Nasayi , Daarmi , Mishkaat)

Jannati o Jahanami firqa

Hazrat ibn e umer (Razi ALLAH taala unho) se riwayat hai k rasool e kareem

(Sallallahu alaihe wa aalihi wasalam) nay farmaya k meri ummat par aik zamana

Zaroor aisa aaye ga jaisa k bani israeel par aaya tha. Bilkul hu bahu aik doosray k mutabiq

 yahan tak k bani israeel mein se agar kisi nay apni maa se elaaniya bad faili ki hogi to 

meri ummat mein zaroor koi hoga jo aisa karega. Aur bani israeel bahattar (72)

mazhabon mein but gaye they aur meri ummat tehattar (73) mazhabon mein but jaye gi.

In mien se aik mazhab walon k siwa baaqi taman mazhab walay naari jahanami hon gein.

Sahaba e karaam (Razi ALLAH taala unho) nay arz kiya ya rasoollah

(Sallallahu alaihe wa aalihi wasalam) Wo aik mazhab walay kon hein? ( yani inki pehchan kya hai) Hazoor (Sallallahu alaihe wa aalihi wasalam) nay farmaya wo log isi mazhab o millat par 

qayam rahein gein jis par mein hun aur mere Sahaba  hein.(Tirmizi , Mishkaat)

Kaamil momin nahi ho sakta es waqt tak

Hazrat anas (Razi ALLAH taala unho)  nay kaha k sarkar e aqdas 

(Sallallahu alaihe wa aalihi wasalam) nay farmaya k koi shakhs es waqt tak

momin nahi ho sakta jab tak k mein es k maa baap betay aur taman logon

se ziyada mehboob na ho jaoun. (Bukhari. Muslim Shareef)

Kitab ul Emaan 2

Hazrat ibada bin saamat (Razi ALLAH taala unho) nay kaha k mein rasool kareem

(Sallallahu alaihe wa aalihi wasalam) ko farmatay hue suna k jo shakhs es baat ki 

gawahi day k siwaye Khuda e taala k koi maabood nahi aur Muhammd

(Sallallahu alaihe wa aalihi wasalam)  khuda e taala k rasool hein.To ALLAh taala 

es par dozakh ki aag haraam farma daita hai. (Muslim Shareef)

Kitab ul Emaan

Hazrat umer (razi ALLAH tala unho) nay farmaya k aik roz hum rasool e khuda

(Sallallahu alaihe wa aalihi wasalam) ki khidmat mein haazar they k achanak

aik shakhs hazar hua jis k kapray buhat safaid they aur baal nihayat siyah they

na es shakhs par safar ka koi nishan tha aur na hum mein se koi esey pehchanta tha

Yahan tak k wo hazoor (Sallallahu alaihe wa aalihi wasalam) k samnay beth gaya

 aur do zaanu ho kar apnay ghutnay hazoor (Sallallahu alaihe wa aalihi wasalam)

 k ghutnay se mila diye aur apnay dono hath apni raano par rakh liye aur arz kiya

Ay Muhammad (Sallallahu alaihe wa aalihi wasalam) Mujh ko islam ki haqeeqat k

baray mein aagah farmaiye hazoor (Sallallahu alaihe wa aalihi wasalam) ne farmaya 

islam ye hai k tu gawahi dy es amar ki k khuda e taala k siwa koi mabood nahi aur

Muhammad (Sallallahu alaihe wa aalihi wasalam) khuda e taala k rasool hein aur

tu namaz ada karay, zakat dy, ramzan k rozay rakhay aur khana kaba ka hajj karay 

agar tu eski istita'at rakhta ho. Es shakhs nay ye sun kar arz kiya Aap nay such farmaya

(raawi kehte hein) k hum logon ko taajub hua k ye shakhs daryaft b karta hai aur khud he

tasdeeq b karta hai phir es ne poocha emaan ki haqeeqat biyan farmaiye. Aap nay farmaya

(Emaan ye hai) k khuda taala aur es k farishton neez es ki kitaabon aur es k rasoolon aur qayamat

 k din par yaqeen rakhay aur taqdeer ki bhalayi ko dil se maanay.(Muslim Shareef)