Senkron baar ginay they main nay

Senkron baar ginay they main nay

jaib mein no (9) he kanchay they

aik jaib se doosri jaib mein rakhtay rakhtay

ik kancha kho betha hun!

na haara , na gira kahin par 

"ploto" mere asman se ghayab hai!!

Ik naqal tujhe bhi bhejun ga

Ik naqal tujhe bhi bhejun ga

ye soch k he.....

tanhayi k neechey karban paper rakh k mein

oonchi oonchi awaaz mein batein karta hun

Alfaaz utar aatay hein kaghaz par lekin

awaaz ki shakal utarti nahin

raaton ki seyahi dikhti hai!!!

Ik peepal tha

kehtay hein ik peepal tha

ooper wali baraf ki choti se utra tha

kundli maar k dhoop mein ik darya soya tha

es par paaon para aur peepal..... thehar gaya!!

sooraj nay daikha , darya ki aankh mein peepal ki tasweer utar aayi thi

darya din bhar gun gun karta rehta tha

raat ko karwat lay kar , peepal k zaanu par sar rakh kar socha karta tha

kaash khara ho sakta wo b pairon par

aur galay lag sakta uth kar peepal k!

ik sindhoori shaam kamar lehrati hui

dono k beech se ho kar roz nikalti thi!

jab kuch sadiyan beet gayi

aur asman k baal b kanpatiyon k neeche paknay lagay

aik roz es chikni shaam ka hath pakar kar peepal nay roka es ko... sun!

kyun mun kaala karnay jati hai tu roz isi sooraj k

peeche peeche... paar ufaq k!

laali phir gayi shaam k mun par

shaakh se patta tor k

likh kar chitthi es par

haath mein di....ja ' ja kar daina es akaash sawami ko

shaam ka chehra sawah hotay hotay wo bhaagi 

lekin raah mein

chaand nay hath maror k chitthi cheen li es se

raahu , keetu , bhaagay haath churanay es ka

shaam ka kangan sanka haath se , aur shani nay dor k kangan loot liya

barrbola "dumdaar sitara" mehwar mehwar shor machata bhaag gaya

sadiyon tak goonji thi phir wo baat ghamurti kaiynaat mein!

Sadiyon baad ki baat hai shayad

ya phir inhein dino ki hogi

waqt kharaon pehnay jab kuch sayaron par paon rakhta

kaiynaat se guzar raha tha

peepal ka aik patta urrtay urtay

es ki peeth se aa kar chipak gaya 

waqt nay apna rukh badla aur

parbat parbat paon rakhta neeche utra

raatk ki god mein shaam pari thi

darya lipta hua khara tha peepal se

aur pahar k seene par , pehli pehli ghaas ugi thi!!!

Ibtida..... Char

kaal maa choolay par haandhi rakh k , kab se bethi hai

kachay daanay gal jayein aur aik ubaala aa jaye!

ye bay sabra bacha betha.....

ungli rakh k gol katori k andar

gol gol thaali par tez ghumata hai

kaal kod rahay...

girah mandal se phir koi siyara urr kar

choolay mein na aan giray!

uff ye kaali kaiynaat ki haandi kab tak ublay gi!!!

Ibtida....Teen

maan choolay par bethi bail rahi thi kaal

kaal ki roti phoolay jab tak

bay sabra bacha...

thaali oondhi seedhi kar k

raat aur din , aur din aur raat hai , khel raha tha

haath se choo na jaye kaansi ka akaash

gir na jayein thaali se taaron k chawal

kaal maayi nay.... chaand katori rakh di eski thaali mein!!!

Ibtida.....Do

Saara angan duan duan tha

kaal maa choolay par kab se geeli lakri phoonk rahi thi

jab tak ye bay sabra bacha.....

duaein ka anchal khainch k sar par asman ko taan raha tha

zard ufaq ki choti pakray

neel samandar baandh raha tha

aur kaal maayi....

sookhay tinkay tor tor k , baalan ki wathiyon mein rakhti jati thi

choolay mein jab aag ka pair ugay ga , tab roti utray gi!!

Ibtida ..... Aik

La mehdood khla he khla

By ant samay

aur aag he aag...Duaan he duaan

aur gases saari kainaat mein

pal pal Nova phoot rahay they

sooraj aur siyaaray chatak kar

arbon kharbon meelon tak chingariyon jaisay urtay they

nayi nayi dunyaein murattab honay lagi thein

kaal maai nay

kainaat mein door daraz ki aik nawahi galaxy k

neelay rang k , gol se ik siyaaray par

ye keh kar khuda ko chor diya

bay sabra hai ye , jald bara ho jaye ga

2085 Nuclear bam k baad

Sab se khubru tha wo seeyara neelay rang ka

kehkashaan ki aankh tha!

kehkashaan mein urta urtay

ik bari energy ne

chot ik energi se kaha     "kuch es tarah hua"

kuch nahi tha pehle es zameen par , aasman b nahin

paani tha , shifaaf tha

paaniyon pay chalti rehti thi hawa

gaisoon ka duaan tha aur kuch nahin......

raat b hua karti thi magar

andhera chikna lagta tha , chamakta tha

pani mein b kehkashaan ka aks daikh saktay they

apni kehkashaan mein to....

sab se khubru tha wo seeyara neelay rang ka

choti os energi nay

mur k daikha ik jala hua zameen ka tukra ghoomta hua

girnay wala tha , kisi b waqt aaftaab mein 

aik baar timtima k phir kaha energi nay

aur phir zameen ko......

janay kaisay lag gayi thi zindagi

dheere dheere.....

es zameen ko kha gayi ..... Zindagi!!

Ab khanam ki fikar na karna abu tum

Ab khanam ki fikar na karna abu tum

neend ki goliyan band kar di hein

talakh dawaiyan khatam howein

Wo jo raat ko darti thi na

Asman par urtay tamboo diakhti thi

deewar pakar k kehti thi wo

'roko' 'roko' ghar chalta hai

houl nahi partay ab osko

aik tank achanak ghar mein ghus aaya tha

jumeraat k din , thori se , jo b mili , dafna aaye hum

Ab khamam ki fikar na karna abu tum!!

Do so fut se b oonchi aik duaein ki khumbi

Do so fut se b oonchi aik duaein ki khumbi

paich daar , bal khati hui

aur ooper ik chatri kalay garhey duaein ki khilti gayi

chotay se ik bum k pait se nikli aur

pooray qandhar pay phel gayi

din dopherey , andhera andhera , har soo phel gaya

jaisay jaisay kalay duaein ki raakh zameen par girti thi

chaltay phirtay log sabhi mar jatay they

Aanay wali naslon mein jab

phi rkoi naani aaj ki baat sunaye gi to

bachay wo b aik kahani samaj k ankhein band kar lein gein... so jayein gein!

sooraj ki es back light mein

Sooraj ki es back light mein

ghar k khandar

aur deewaron par bethey afghani bachay

america k "Art general" k cover page par

ab b zinda lgtay hein

halka halka duaan nikalta rehta hai!

Baghdad

Jang ka koora aik jaga par jama hua hai

pehli baar hai

itnay saray baazu , tangein , haath aur sar aur paaon

aisay alag alag bikhray daikhay hein 

bachay khuchay purzay lagtay hein 

"spare paarts" hein

Baazu aik julahay ka , hilta hai ab tak

kaanp raha hai ya shayad kuch kaat raha hai

taang hai aik khilari ki , run out hua hai

ghar tak dortay dortay raah mein maara gaya hai

sar hai aik , jo lurak raha hai

tootay phootay sher abhi tak sar mein khar khar bajtay hein

nazmon k chandh toot gaye hein

ungliyan reeng rahi hein kuch

matti mein taareekh darj karnay ki kosish lagti hai

purza purza khol k aik mechinec nay

in k murammat chahi thi

bura laga tha es ko ye purzay awazein kartay hein!

pankhay se urti hai to balab pay ja bethti hai

pankhay se urti hai to balab pay ja bethti hai

aaina daikhti hai do tarfa jhatak kar gardan

itni si chirya hai , kul aik chatanki bhar ki

jab chehakti hai to sar he pay utha leti hai saara kamra

khabrein b thiek se sunnay nahi daiti mujh ko

kitnay masoomon k ghar dangon mein jal kar

malbay k dhair howe jatay hein gujraat mein

aur ye hai

aik tootay howe rozan mein isay

tinkay sajanay ki parri hai!

Baarish aanay se pehle he

Baarish k aanay se pehle he

baarish se bachnay ki tayyari jari hai

saari dararein band kar li hein

aur leep k chat , ab chatri b murhwali hai

khirki jo khulti hai bahar

es k ooper b aik chajja kainch diya hai

main sarak se , gali mein ho kar , darwazay tak aata rasta

bajri matti mein daal k es ko koot rahay hein!

yahin kahin kuch khadon mein

barish aati hai to pani bhar jata hai

jootay , paaon , paainchay , sab sun jatay hein

Galay na par jaye sat rangi

bheeg na jayein badal se

sawan se buch kar jeetay hein

baarish aanay se pehle

baarish se bachnay ki tayyari jari hai!

Moon soon ki samfani

Car ka engine band kar k

aur sheeshay charha k barish mein

ghanay ghanay pairon se dhaki saint paal road par

aankhein meech k bethey raho aur car ki chat par

 taal suno tab barish ki

Geelay badan kuch hawa k jhonkay

pairon ki shakhon par chaltay dikhtey hein

sheeshay par phisaltay pani ki tehreer mein ungliyan chalti hein

kuch khat , kuch satrein yaad aati hein

moon soon ki samfani mein