Kis qadar zulm dhaya kartay ho
Ye jo tum bhool jaya kartay ho
Kis ka ab hath rakh k seene par
Dil ki dharkan sunaya kartay ho
Hum jahan chai peenay jatay they
Kya wahan ab bhi aaya kartay ho
Kon hai ab k jis k chehray par
Apni palkon ka saaya kartay ho
Kyun mere dil mein rakh nahin daitay
Kis liye gham uthaya kartay ho
Phone par geet jo sunatay they
Ab wo kis ko sunaya kartay ho
Aakhri khat mein es nay likha tha
Tum mujhe yaad aaya kartay ho
No comments:
Post a Comment