Aitebaar sheeshay ka, imtihan sheeshay ka
Daikho khel mat karna, meri jaan sheeshay ka
En dino jahan hum hein hum ko aisa lagta hai
Hai zameen sheeshay ki, Aasman sheeshay ka
Tootna to hai aakhir, tootnay se kya darna!
Pathron ki basti mein kya dhiyan sheeshay ka
Hun b kitne saada hein dhoop se bachao ko
Sar pay taan rakha hai saaebaan sheeshay ka
Shehar hai muhabbat ka aur hairti hon mein
Har makeen sheeshay ka, har makan sheeshay ka
Juzz mere batao to aur kon day sakta
Fasal boyi pathar ki aur lagaan sheeshay ka
No comments:
Post a Comment