Mein jahan jaoun mere sath ye dewana jaye
Meri pehchan mere dard ka afsana jaye
Wo nazar oski hai jadu wo talisim oski ada
Jis taraf daikh ly saqi, wahin paymana jaye
Mujh ko sehra ki zaroorat nahi mein qais nahi
Mein to jis shehar b jaoun wahin verana jaye
Lutf peene ka b aaye ga esi bin mein mujhe
Raqs karta hua khud he wahan mehkhana jaye
Mujh se nazrein to milao mujhe daikho to sahie
Ab nahin meri tamanna mujhe pehchana jaye
No comments:
Post a Comment