Kab talak khud ko azmaoun mein
Tum b mun pher lo to jaoun mein
Roshni ko diye jalaoun mein
jab b tere qareeb aaoun mein
Zindagi, arzoo, umeed, fareb
Aur kab tak fareb khaoun mein
Mera maazi meri haqeeqat hai
Kaisay maazi ko bhool jaoun mein
Kya haqeeqat hai kya kahani hai
Kon samjhay agar bataoun mein
Sochta hun shakeel aaj k baad
Khud ko dhoondhun k osko paoun mein
No comments:
Post a Comment